మెగాస్టార్ చిరంజీవి చేతికున్న ఈ సింపుల్ వాచ్ ధరెంతో తెలిస్తే షాక్
దిశ, సినిమా: దేశ వ్యాప్తంగా కోట్లాది మంది అభిమానులను సొంతం చేసుకున్న మెగాస్టార్ చిరంజీవి గురించి ప్రత్యేకంగా చెప్పాల్సిన అక్కర్లేదు. తన నటన, డాన్స్ తో టాలీవుడ్ పరిశ్రమలో చెరగని ముద్ర వేసుకున్నారు. ఇన్నేళ్ల చిరు కష్టానికి ప్రతి ఫలంగా రీసెంట్ గా పద్మ విభూషణ్ అవార్డు అందుకున్నారు. ఇకపోతే తాజాగా చిరంజీవి.. మెగా ప్రిన్స్ వరుణ్ తేజ్ నటించిన ‘ఆపరేషన్ వాలెంటైన్’ ప్రీ రిలీజ్ ఈవెంట్ కు హాజరయ్యారు.
చూడటానికి చాలా సింపుల్ గా కనిపించిన చిరు చేతికి పెట్టుకున్న వాచ్ మాత్రం అక్కడ ఉన్నవారందరినీ ఆకర్షించింది. దీంతో మెగా ఫ్యాన్స్ ఈ వాచ్ ధర ఎంతంటూ గూగుల్ లో సెర్చ్ చేయడం స్టార్ట్ చేశారు. చిరు చేతికున్న ఈ సింపుల్ వాచ్ ధర తెలిసి అందరూ నోరెళ్లబెడుతున్నారు. ఇంతకీ మెగాస్టార్ పెట్టుకున్న వాచ్ ధరెంతంటే.. అక్షరాలా రూ. 50, 56, 747. అంటే దాదాపు అర కోటి వరకు ఈ వాచ్ ధర పలుకుతోంది.
ఈ షాకింగ్ ప్రైజ్ విన్న జనాలు.. ‘ఆ వాట్ అమ్మితే మా బ్యాచ్ బ్యాచ్ బతికేయొచ్చు’ అని పవన్ మూవీలో డైలాగును గుర్తుచేసుకుంటూ ఫన్నీ కామెంట్స్ పెడుతున్నారు. ప్రస్తుతం మెగాస్టార్ చిరంజీవి ‘విశ్వంభర’ సినిమాలో నటిస్తున్నారు. ఇటీవల విడుదలైన భోళాశంకర్ చిత్రం బాక్సాఫీసు వద్ద దారుణంగా బోల్తా పడటంతో విశ్వంభర సాలిడ్ హిట్ కోసం మెగా ఫ్యాన్స్ ఎదురుచూస్తున్నారు.
